يحـــسين الك هالكون اعلن حداده

يحـــسين الك هالكون اعلن حداده
شلون التراب ايصير ليك الوساده
ودمعاته دم اتسيل .......... ليك الملك جبريل
اعلن حداده
ـــــــــــــــــــــــــ ـــــــــــــــــــــــــ ــــ
يالنايم على الغبره فجـــــــعت العــــــالم بأسره
وجمر گلبك يبو السجاد خله بكل گلب جــــــمره
بهر هالعالم مصابك وإله الامـــــلاك متحـــــيره
شلون مرضرضه عظامك يروح الطاهره الزهره
قليل عليك نبجي دموم وقلــــيله الروس متطـــبره
ولو كل الــــعمر نبــجــيك ما نـــــوفي الـــــك ذره
لا والله ما نوفيك لو نبقه ننـــعه
والصدرك المهشوم مانوفي ظلعه
نوح بنهار وليل ......... ليك الملك جبريل
اعلن حداده
ـــــــــــــــــــــــــ ـــــــــــــــــــــــــ ــــــ
يم نحرك اجه اسرافيل يريد ايشم عطر نحرك
ينظر وبگـلب مكســـــور تحــــير بيك وينظرك
جسمك بيه الف طعنه وخسف من الطبر بــدرك
وميكائيل ينظر ليك يريــد ايقبـــــل الصـــــدرك
قبًل صــــدرك المهشوم وتحير بيك وبأمــــــرك
شلون الخيل مثل السيل تجري عليـــــك وتوذرك
شلون اعتنت هالخيل صدرك تدوسه
وصدرك رسول جــــــان اليبــــوسه
يا مهبط التنزيل .......... ليك الملك جبريل
اعلن حداده
ـــــــــــــــــــــــــ ـــــــــــــــــــــــ
ملك الموت كل الناس ترجـــــف من يمر طاريه
واذا مر عالبشر لحــــظات جثه هامــده ايخــــليه
وصل يم جسمك الطاهر ملك الموت ويصـــد ليه
رجف گلبه وجرة عينه شلون علـه الثره موذريه
شلون الحجر صك راسه ذنــبه شـنهو ومدمــــيه
ما كفه الطــــعن بالسيف ليش الجــثته مســـــلبيه
شو حتى ملك الموت ناح المصابك
وتوضه أي والله من دم خضــــابك
وجنحانه الك تظليل ......... ليك الملك جبريل
اعلن حداده
ـــــــــــــــــــــــــ ــــــــــــــــــــــ
سماوات الجليل اتنوح وعرش الله لـيك احزن
بحزن عرش الجليل عليك ونار الفاجعه مُعلـن
بمصيبه الحور لمصابك وكامن ينعن ويبــچن
عله اظلوعك يبو السجاد چيف بخيل ينسحگن
وصدرك مأوى المثلث ومكانه بصدرك تعـين
بگطعة خنصرك يحسين نحور الحور ينگطعن
مصابك صبح والله اكبر مصـــيبه
مفجوعه لجله الحور ظلت نحيبه
ويرتل بترتيــل ......... ليك الملك جبريل
اعلن حداده
ـــــــــــــــــــــــــ ـــــــــــــــــــــــــ
فجيعة كربله الصارت خلت حزن في كل دار
حتى الرسل ليك اتنوح ومفجوعين من الصــار
ادم نوح وابراهيم عيسى وموسى ليك احـــــتار
اجو يم جدك الهادي يعــــزون النـــــبي المختار
وامك فاطمه اتذكـــرت يوم الهجـــــمو عله الدار
نفـس ذاك الجــــره علهه عليك بــــــكربلاء اندار
نفس الجره بالباب رد وتكـــرر
مثل امك الزهراء صدرك تكسر
بس الفرق بالخيل ......... ليك الملك جبريل
اعلن حداده
ـــــــــــــــــــــــــ ـــــــــــــــ
كل الكائنات تنوح على مصابك ينــــور العين
إثر دمك المسفوح وصـــــبح شـعلتنه بالدارين
لو ما دمك الجاري ولو ما صرختك يحــــسين
ماظل لا صلا لا صـوم وبدرب الغــــلط ماشين
بس نحرك سكه الاسلام وخًضر عود هذا الدين
ومن يومك اخذنه دروس ومن ثورتك متــعلمين
اتعاهدنه أي والله نبقه عله حـبك
ومن جامعة انصار خرجنه دربك
اسنتجنه هالتــحليل ......... ليك الملك جبريل
اعلن حداده

نســــــــــــألكم الدعــــــاء

--