الفرق بين الرجل والمرأة بعد الرجوع من العزيمة

الفرق بين الرجل والمرأه بعد الرجوع من العزيمة

أولاً : المرأه تتحدث مع أختها

المرأه: يوووه فاتك نص عمرك.. توني جايه من العزيمة

أختها: وش حطوا؟

المرأه: يو يو يو ، حطهم يجنن، ما في شي ماحطوه ، أول شي الشاهي، فناجيلهم تجنن مزخرفه ومسكاتها ذهبيه ، بعدين القاتوه مدري من فين جايبينها.. طعمها هبال ويجنن وحاطينها في صواني خربزيه وفيها نقط صغيييره لونها أخضر ،والمكسرات تموووووت ، حاطين كل كسرة في كيس! والا العشاء ياربيييييه يهبببببل

(ويستمر وصف الأكل ساعة ونصف)

أختها: جت نوف؟

المرأة: أيوه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل

أختها: لايكون نفس اللي لبسته قبل 5 سنوات؟

المرأة : لا لا.. هذيك المرة كانت لابسه فستان أحمر مو وردي ولا كان فيه كرستالات

اختها: أجل شكلها لابسه فستان بنت عمها أريج لاني شايفه اللبس هذا عليها في عرس بنت خالتي

.

المرأه: أي والله، يووووه يخزياه، والله انها ما تستحي ؟ لا وأريج تدرين ايش لابسه ؟ اليوم لابسه لبس يقررررف

شكلها اشترته من محل أبو ريالين

أختها: وجزمتها؟

المرأة: ما أدري ما شفتها، تصدقين طول العزيمة وأنا أحاول أشوف جزمتها لكن ماقدرت، حتى اني يوم طفشت في الاخير رميت شنطتي تحت الكرسي حقها على بالي ما ادري ونزلت راسي آخذ الشنطة عشان أقدر أشوف الجزمة بس ما قدرت ... الكلبة لبسها كان طويل مرة ومغطي رجولها

اختها: أكيد جزمتها زي لبسها معفن .. هي دايم كذا ذوقها خايس ...طيب ومكياجها كيف كان؟

المرأة: وععععع ، مكياجها مخليها أكبر من أمها، تخيلي حاطة روج بني، شكله كأنه ديرما مو روج، والله المسكرة بعد يووووووووه مالها داعي، ما أدري مين النذلة إللي حاطه لها المكياج ، شكلها زوجة أبوها

اختها: طيب وتسريحة الشعر

المرأه: حقت مين؟ نوف والا اريج؟

اختها: كلهم

.

المرأه: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل،

اختها: كحكحي؟ يعني ايش؟

اختها: ما تعرفين الكحكحي يالبدويه؟ هذا لون جديد للصبغات ، اذا شفتيه تجيك الكحه من زينه .. حتى سألتها وين مصلحه شعرها فيه ورفضت تعلمني النجسة، أما أريج تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسها بالضبط

اختها: على طاري الخدامة؟ خدامة أريج وش لابسه؟؟

..

المرأه: الخدامة لبسها عادي، لكن جزمتها خقااااااااااااق ، تهبل ما كأنها جزمة خدامة، لونها أسود وعليها خيوط فسفورية

اختها: صدق والله؟ هذي مو جزمة أريج؟؟؟؟

المرأه: أي والله؟ وانا أقول وين شفت هذي الجزمة !!!.. هذي جزمتها قبل عشرطعش سنة، أتذكرها شكلها عطتها الخدامة بدل ماتكبها في لخمام.

ويستمر الحش إلى صلاة الفجر

----------------------------------------------------------------------------

ثانياً: الرجل يتحدث مع أخيه

الرجل: السلام عليكم، توني جاي من العزيمة وترا كل الربع يسلمون عليك

اخوه: الله يسلمك ويسلمهم

انتهت المحادثة